Rehabilitering av pasientar med multitraume startar som oftast rett etter overføring frå akuttavdeling. Kva utgreiing vi gjer på rehabiliteringsavdelinga, avheng av opplysningar som følgjer med frå akuttavdelinga.
Følgjande undersøkingar kan vere aktuelle:
- Medisinsk og nevrologisk undersøkelse blir gjort av lege.
- Risikoscreening (fall, trykksår, ernæring, smitte og alkoholbruk) blir gjort av sjukepleiar.
- Kartlegging av muskelfunksjonar, aktivitetar i dagleglivet og behov for hjelpemiddel blir gjort av fysio- og ergoterapeut.
- Laboratorieprøver (blod og urin) og røntgen blir tekne.
For å følgje utviklinga gjennom rehabiliteringsopphaldet gjer vi testar og undersøkingar med jamne mellomrom.
Vi ønskjer at du tek med deg
- individuell plan eller individuell opplæringsplan dersom du har dette
- oppdatert medisinliste (legemiddelliste)
- ortopediske hjelpemiddel dersom du har det
- treningstøy og eventuelt badetøy dersom sjukehuset nyttar basseng
Vi treng informasjon om
- du har behov for spesialkost
- du har behov for tolk
- du har behov for spesielle hjelpemiddel, som til dømes spesialmadrass eller dusjstol
Tenk gjennom måla du har for opphaldet
Måla dine for opphaldet er viktig og har fokus for rehabiliteringa di. Når du møter fagpersonane, så har dei lese tilvisinga di og dei har då nokre opplysningar om kva som er viktig for deg, og eventuelt kva mål du har. Dette dannar grunnlaget om kva som kan vere relevante tema og mål for opphaldet ditt.